La Carta Puebla

La Carta Puebla

1.- L'actividá fundacional del Rei Alfonso X el Sabiu n’Asturies púnxose nos momentos d’entamu del so reináu. A esta población respuende la constitución de dalgunes de les puebles reales cuya esistencia alcuéntrase documentada nel últimu terciu del sieglu XIII y primeros del XIV. L’anuncia más directa sobre l’establecimientu de les nueves puebles refierse a la Puebla de Cangas, el venti de febrero del 1.255. El seis d’abril del 1.266 fundaba la PUEBLA DE L.LENA, siendo la carta de población d’esta villa la primera ente les alfonsines, que nos llegó a l'actualidá , entera en testu anque nun se caltién la orixinal.

Hai que tener en cuenta, pa situanos na fecha que correspondiente, que na dómina medieval tómase como fecha la era hispánica (era d’Augusto, de César o era gótica). El puntu d’aniciu ye l'ún de xinero del añu 716 de Roma, que vien a coincidir col añu 38 enantes de J.C. Y que polo tanto, p’adaptar al recuentu de la dómina cristiana, a un añu espresáu según la era hispánica, hai que resta-y 38 años. Poro, la fecha que se da na Carta Puebla d’Alfonso X el Sabiu ye:



“martes, seys dias andados del mes de abril, en era de mill tresçientos y quatro años”

2.- La política d’espardimientu urbanu sigue con Sancho IV, que confirmará la carta puebla de L.lena en Toledo, el trenta y ún de xinero de 1.290, documentu que tamién se perdió.

3.- La confirmación d’Alfonso XI dende la anterior, espedida en Valladolid, el trenta de diciembre del 1.325, si bien se pudo caltenese nel Archivu del Conceyu de L.l ena onde rexistra la so esistencia Francisco Bernardo de Miranda nel 1.797 (“Colección de Asturias III“, páx 94) y Sangrador (“Historia de la Administración”, páx. 108), tamién se perdía, calteniéndose copia na Biblioteca de la Real Academia de la Historia, colección Xovellanos.

4.- Con Enrique II diéronse cartes de privilexiu, sacantes a delles colectividaes vecinales de dalgunes puebles asturianes yá fundaes. La primera d’elles foi la del Conceyu de L.lena, el nueve de febrero del 1.368, de la que nun quedó copia.

5.- La confirmación de Felipe II dada en Madrid el cuatro de mayo del 1.526 alcuéntrase nel Archivu Xeneral de Simancas, Escribanía Mayos de Rentas, Serie Mercedes, Privilexos, Ventes y Confirmaciones, Leg 299, fueya 9:



"Confirmación al conceyu de la villa de Lena, en Asturias, de ciertos privilegios de exenciones y franqueza"





Inclúi toles confirmaciones de los sos antecesores y la carta de franquicia qu'Enrique II-yos dio a les vecines y vecinos del Conceyu L.lena nel 1.368.

6.- La confirmación de la carta puebla fecha por Carlos III, el seis d’otubre del 1.766 y la que s’atopa nel Archivu Históricu del Conceyu, si bien con motivu la Revolución d’Otubre de 1.834 el pergamín queda, por efectos del calor, convertíu nuna bola dientro d’una caxa fuerte que tamién-y valió de protección, restaurándola depués el Serviciu Nacional de Restauración de Libros y Documentos en 1.908 y que ye’l documentu que se caltién.

En dicha confirmación de Carlos III fálase amás de la Carta Puebla otorgada por Alfonso X, a postreres confirmaciones feches pelos sos antecesores Enrique II y Carlos I:



"Y allí mismo vimos un Privilegio escrito en pergamino concedido por el señor Emperador Carlos Quinto en Valladolid a tres de Junio de mil quiniestos quarenta y dos, por el que hizo merced a el nominado Concejo de confirmar y aprobar en todo y por todo los Privilegios del Rey Alfonso Décimo y Don Enrique Segundo..."





Les cartes de población asturianes que se caltuvieron na so integridá testual ufierten un conteníu esencialmente paecío:


Entamu nel que'l monarca espón les motivaciones de la concesión, aludiendo a la solicitú de la mesma fecha polos representantes a la entidá local a la que se dirixe.
Donación a los moradores de la fastera sobre la qu'actúa l'acción repobladora de tolos realengos y derechos que'l monarca tien nella, reservándose en tou casu'l portagonismu de les ilesies.
Espresión de la decisión fundacional y asitiar l'allugamientu del núcleu urbanu nuevu.
Concesión a los pobladores del privilexu de celebrar mercaos selmanales.
Unvíu espresu al fueru de Benavente pa l'alministración de xusticia.
Donación del términu o alfoz de la puebla y llendes del mesmu al traviés de referencies xeográfiques precises.
Establecimientu de les rentes económiques que los pobladores tienen que dar añalmente al monarca por toles concesiones.
Esnención de tou tipu de prestaciones a los pobladores.


Na Carta Puebla de L.lena fálense de delles variantes sobre la estructura xeneral, respetando por embargu tolos sos elementos:

Establez l'arrabalde de la puebla con una referencia xenérica ensin especificación detallada de los sos llindes:



"pidieronnos por merced que les diésemos y les otorgásemos los nuestros realengos que habíamos en estos lugares sobredichos, y que hiciesen puebla en un lugar cual nos tuviésemos por bien... Y nos otorgámosles que hagan la puebla en Parayas...E dámosles que vayan por su alfoz quantos nos perteneçe en toda Lena y en toda Huerna, desde la bouia de Arbás fasta el Padrón".

Formula la remisión al fueru de Benavente axuntando la declaración de la so vixencia a efectos de provisión de los oficios conceyiles:

"dámosle el fuero de Benavente y que pongan jueces y alcaldes así como los ponen en Benavente".



Desendolca la cláusula d’esención de prestaciones y rentes enumberando, con exemplos, les cargues que se suprimen.
Desarrolla al empar, la cláusula de concesión de mercáu selmanal, matizando l’algame de la franquicia concedidaa al mesmu.


La xuntura de puebles nueves con villes, de xemes de tradición bien vieya, dando a esti términu la so acepción primaria d’unidá d’esplotación rural o d’establecimientu de vida aldeana, tamién se comprueba en La Puebla de L.lena, llevantada nel llugar de Parayas, asitiada nel valle de L.lena y documentada nel 1.209.

En cuantes a la denotación de puebla o pobla, foi Alfonso X el que contribuyó al so espardimientu, entendida como una axetivación toponímica dotada d’una clara connotación urbana y refierse a núcleos locales con personalidá propia, drechu privilixáu, constituíos nes cabeceres alministratives y económiques d’un territoriu conceyil o arrabalde. N’Asturies, el términu puebla va ser el que prevalez deasniciando al de villa y el nome propiu de los nuevos villazgos fórmase normalmente anteponiendo'l xenéricu puebla o pobla al específicu del territoriu, tierra o arrabalde: Puebla de L.lena (ver mapa de los distintos arrabaldes de les puebles d’Asturies, de la so estensión aprosimada na Baxa edá Media y mercaos y feries locales).

Documentación:

RUIZ DE LA PEÑA, Juan Ignacio: Las “Polas” Asturianas en la Edad Media. 1.981.
GARCÍA HOYA, Julio: Lena en el Camino de Santiago, 1.999.
El Fuero de Llanes, 1989.