Fiestas

Eventos festivos
MERCÁU SELMANAL

Tolos sábados, na Plaza Alfonso X el Sabiu y alredores, mercáu selmanal pela mañana y dende bien ceo.

EVENTOS FESTIVOS: FEBRERU

ANTROXU (La Pola L.lena)

Martes d’Antroxu, fiesta infantil de máscares nel Parque La Ería. Xuegos, música, gran batalla de farina y merengues y chicolatada.

Resaca d’Antroxu, depués de tolos antroxos d’Asturies, a la selmana y media, el sábado en L.lena, gran pasucais de carroces y mazcarites con bien buenos premios.

Hai menú d'Antroxu nos chigres y sidreríes del Conceyu.



XORNAES DEL SAMARTÍN

Dalgunos chigreros ufierten la preba de los productos del guchu: oreyes, pates, picaíyo, morciel.la,... tolos fines de selmana de febreru.

ABRIL

FIESTES DE PASCUA (Campumanes)

Durante tola Selmana Santa, el l.lugar de Campumanes fai les populares fiestes de Pascua y el Santu Alcuentru, el domingu de pascua.



LA FLOR DE L.LENA (Fiesta de primavera en La Pola)

Fin de selmana depués del de Pascua, fiestes de La Flor con verbenes, música, .... El llunes romería popular nel prau y ermita La Flor en Piedracea (L.lena), a dos kilómetros de La Pola pel camín. Hai que subir con montera picona y xilecu. El que tenga traxe asturianu ¡meyor!. Ellí, vamos alcontrar el concursu d’empanaes, sidra bono, música y bail.le del país,....



MERCÁU TRADICIONAL La Flor de L.lena

Al empar que les fiestes de La Flor, nel barriu La Caleya. Sábado y domingu con música del país, pasucais, gaita y tambor, teatru, artesanía y gastronomía de vieyo,... nel cascu vieyu de La Pola.

XUNETO

FIESTA DEL CORDERU (Prau L.lagüezos)

D’Interés Turísticu Nacional

El primer domingu de xuneto, llega la gran primer folixa del branu asturianu, El Corderu, celébrase nel Prau L.lagüezos nos llindes de los Conceyos de Quirós y L.lena. Declaróse d’Interés Turísticu Nacional nel 1.984. Romería con música tradicional, deporte rural, xuegos populares,... Y pela mañana ásense bien de corderos a la estaca que depués la xente pue prebar na típica comida campestre.

AGOSTU

FIESTES DE LA CORRONA ¡la pero fiesta del branu!

El l.lugar de La Corrona, fai les sos fiestes el segundu fin de selmana d'agostu. Unes fiestes nes qu'amás del bon humor, fáise LA CARRERA DE BURROS, en defensa d'esti animal en peligru d'estinción.

FESTIVAL ASTUR-ROMANU LA CARISA (Carabanzo)

Hacia’l 15 d’agostu faise una de les folixes que más puxu ta teniendo nel calandariu braniegu: el Festival Astur-Romanu de Carabanzo.

Una folixa tematizada sobre la Vía la Carisa, onde pues ver música del país na Nuiche Astur, batalles ente astures y romanos, boda astur, mercáu astur-romanu, menús típicos de la dómina,... Pa nun perdela y apuntala dende yá mesmo. Va camín de que la declaren d’Interés Turísticu.



FIESTES DE PAYARES

Les fiestes del l.lugar de Payares fáense a finales de agostu. Una fiesta onde s'entemez tradición, gastronomía y deporte, con una de les cites úniques nel mundu: CAMPEONATU D'ESQUÍ SOBRE YERBA. Nun la pues perder. Y si vienes tienes que correr la popular carrera de canzonciyos, bragues y sostenes.



FIESTA DE LA ESCANDA (Xomezana)

Últimu fin de selmana d’agosto, el l.lugar de Xomezana cellebra la folixa n’honor al cereal asturianu penriba too, la escanda.

SETIEMBRE

FIESTES DEL CRISTU DEL AMPARO (Vil.layana)

Fiesta que fai'l l.lugar de Vil.layana, la segunda fin de selmana de setiembre con verbenes, carrera de cintes a caballu al rodiu'l Cristu del Amparo.



FIESTA DEL CORPUS (Rospaso)

Ca añu'l 21 de setiembre, el l.lugar de Rospaso, en plenu corazón del Val.le del Güerna cellebra la tradicional Fiesta del Corpus. Ellí nun faltará gastronomía, tradición y pela nuichela popular verbena nocturna pa nun perder pieza.

OTUBRE

LES FERIES

(Fiestes de Ntra. Sra. del Rosariu)

Fiestes patronales del Conceyu, cellebraes na cabecera, La Pola con una montonera de fechos culturales, folixeros, gastronómicos y ganaderos.

Los vienres, la preba de los Callos, como platu típicu de d'estes fiestes pa comer.

Concursu Esposición de Ganao vacuno saneao, raza asturiana.

Gran Feriona de Ganao.

Concursu Nacional d'Entibaores Puerta d'Asturies.

Verbenes, música tradicional, volaorones y fueos artificiales,...de cita obligada.

PAYARES

FERIONA DE SAN ANDRÉS

Popular feria de ganao fecha nel recintu ferial de La Pola allugáu cerque del Barriu de Robleo.



XORNAES GASTRONÓMIQUES DEL CASTAÑU (La Pola)

Menú gastronómicu sobre'l frutu de la seruenda asturiana, verbena, xuegos populares, bail.le y música asturiana...



AMAGÜESTU TRADICIONAL (La Pola)

Una de les costumes más de temporada del conceyu. Castañes asaes y sidra dulce acompañao d'actividaes y música popular. Suel coincidir coles Xornaes Gastronómiques.



OTROS AMAGÜESTOS DEL CONCEYU:

Campumanes. Al otru sábadu del de La Pola, Campumanes celebra, na mesma llinia que La Pola, el so tradicional amagüestu.

Carabanzo. Amagüestu n'honor a la Diosa Deva con menú gastronómicu (picaíyo, güevos y patates) amás de castañes y sidra dulce y una verbena popular pa rematar la folixa.